zruck zur Übersicht
Du warsch so klein ond zierlich ond dei Fahrgschdell war so fei.
Deine Auga stahltet heller wia d'r hellste Mondaschein.
Ond dei A'trieb war so stark, so stark wia 45 Geil.
Wo i di s'erschdmol gseah hau, hau i g'wisst, du mosches
sei.
Deine Auga hand mi a'guckt, dei schwaza Farb war ganz heiß.
I han die glei mitgnomma, daß i die jeden Dag sieh.
Jetzt sand mir a Team, mein Panda ond i.
Mei Panda isch schwaz wia d'Nacht
über mein Panda hot alles g'lacht.
Mein Panda isch hed wia Stoi
jetzt isch'r he ond i be alloi.
Wenn mir auf d'r Stroß sand,
fühled mir uns ganz wohl.
Au wenn der Mercedes hinter uns ganz wild hupt.
I gib richtig Gas, d'Stroß wird emmer enger.
Vor uns isch en Laschdwaga, en ganz großa mit Henger.
Mir peiled dia Lage, vona isch no
frei.
Beim nägschda grada Stuck ziahd ma an em vorbei.
Blenkr links nei ond jetzt gib alles, i treib di wia Vieh.
Mir sand vorbei an dem Karra, mei Panda ond i.
Jetzt stosch du ganz alloi, bei
Rega ond bei Schnee.
bei mir hendrem Haus, dei Auspuff macht koin Zucker me.
Du warsch en treua Freund, hosch mi nia em Schdich glau.
Dod'rfür be i dir dankbar, drom hau de noid v'rschrodda lau.
Em Hof schdod en neier, en
knallroda Blitz.
Mit Schiebedach ond Spoiler ond ganz woiche Sitz.
Der isch au a bizle größer, des isch besser für mi.
Mein Panda war a guats Auto, nix bessers wia di.