zruck zur Übersicht
Vergesslichkeit an erschdr Stell.
Da Kaffee briasch du mit ganze Bohna.
ond statt Wasser leer'sch du siaßa Sprudel nei.
Zum Frühstück von geschdern no a kalda Pizza.
Dei Hos liegt scho längschd neabr'm Bett.
s'Handy flagged en'ra Schüssel Spätzla
Ond deine Autoschlüssel suach du em Klosett.
REF: Wia en Engl ohne Fliegl
Juck'sch du omanand
Wia en Deifl ohne Schwänzle
so isch au dein Verschdand.
Beim Autofahra do god's ähnlich weit'r
des Desaschdr nemmt so seinen Lauf.
A roda Ampl kennsch du gar it.
Ond a Kurv god bei dir gradaus.
A Parkhaus isch für di en Kreisel
wo du nei'fensch, aber nemme raus.
Dei Auto, des sieht aus, des isch oi Dalla.
Ond d'r TÜV-Stempl isch scholang drüberd naus.
Gosch du amol, mit 'ma Mädle aus.
hogsch du bloß do ond hengsch d'r Coole raus.
Ond will se was von dir, lauf du rot a.
Brengsch du koin Ton meh raus ond gug'sche bloß bled a.
So lebsch du jeden Dag, Johr aus, Johr ei.
ond denksch d'rzua, des moss so sei.
Mann, wach auf - bevor no alles d'spät isch
s'Leaba kommt nemme zruck, des macht koin Halt.